【爆買！跟David Webb去日本城！】

「日本城」母公司國際家居零售於1991年成立，2013年上市，係香港、新加坡及澳門最大嘅家品零售連鎖商。當中香港為主要市場，佔集團總收入87.1%。

店舖分布香港、新加坡、澳門、馬來西亞、沙特阿拉伯、柬埔寨、澳洲及越南，合共有363家！店舖以「JHC日本城」、「JHC日本城概念店」、「生活提案」、「123 by ELLA」、「日本の家」、「易購點」及「JHCeshop」著名品牌提供優質家居產品。

值唔值得跟David Webb買？

首先要了解David Webb嘅投資策略！佢一向鍾情於優質細市值嘅上市公司，同時派息穩定。點解嘅？咪就係因為David Webb已上岸，喜愛股票投資，所以買股作收息為主，價升對佢嚟講只係bonus。

國際家居零售有幾優質？點解David Webb睇中佢？好簡單，三個原因：
1. 收入穩定上升
2. 成本控制得宜
3. 派息穩定 (David Webb最睇重)

眾所周知，做零售生意，最致命嘅成本就係租金同人工支出，仙仔都唔想多講廢話，將過去4年中期業績抽出最重要部分，整咗一個表方便大家睇：

從上表，可以睇到近年國際家居零售店舖數量變化不大，但租金同薪金增長於2017年成功壓制低於收入增長，咁已經對盈利影響極大！

事實上，自2015年起，商店租金增長已放緩，甚至出現減租(商場舖除外)。所以，未來租金增長預期不大之下，只要國際家居零售可以繼續控制薪金低增長，並推動收入增長加快，發盈喜、增派息好easy！

不過現價$1.59、PE13倍，而短線收入亦唔會突然大幅增長之下，吸引力一般，短炒就值搏率唔高。如果你想學David Webb放長線釣大魚，逢低小注跟買，亦係唔錯選擇，一於in David Webb we trust！