【David Webb 慘輸幾千萬 復仇有計】

港交所前非執行董事兼資深投資者David Webb早於2017年5月15號發表「The Enigma Network: 50 stocks not to own」分析文章，稱之「謎網50股」或「50隻不能買的港股」，引發證監會同ICAC調查，造成6隻謎網股停牌及多達4人被ICAC拘捕！當人人都大讚David Webb好波時，有無諗過事實上係一場復仇戰？

事源喺2006年，David Webb投資做梗嬰兒車生意嘅隆成(01225.HK)嘅股權首度係聯交所披露資料中曝光，即係持股佔已發行股本多於5%。之後幾年，David Webb一直增持股份至2015年，總成交額451萬，每股平均價為0.9元，持股量高達9%，成為隆成主要股東之一。David Webb嘅買入交易，大家可以參考仙仔整理嘅聯交所資料：

不過喺2014年6月，隆成突然出售嬰兒車生意，轉做金融生意，麥光耀(疑似謎網成員之一)同時加入擔任獨立非執董！2015年，隆成(01225.HK)折讓68%「一供三」，供股價0.15元。當時David Webb已經立即批評呢個動作係刻意攤薄其他股東權益！

2016年4月，隆成創辦人兼主席黃英源離任，麥光耀正式坐正成為主席兼行政總裁至今。隆成(01225.HK)公布股份五合一，再折讓63.64%進行一供二，供股價0.2元(即未合股前0.04元)。同年7月起，David Webb先後多次大手減持，每股平均價為0.04元，比起上文提及David Webb增持嘅平均價足足跌左9成半以上！睇睇David Webb喺聯交所賣出嘅交易資料：

David Webb黯然離場，如果計算佢當初投入嘅資金，相信幾乎係Total Loss，損失幾千萬！買股票要變成Total Loss簡直係絕無僅有，仲要係港交所前非執行董事David Webb，嚇親仙仔，大家又點睇？不如睇吓隆成嘅技術圖表，自2015年謎網集團加入，股價直插，唔見超過9成，一大班搏反彈嘅散戶都輸到入肉！

正所謂，有仇不報非君子，David Webb當然出盡全力搵出謎網集團成員，所以發表「The Enigma Network: 50 stocks not to own」，成功協助證監會同ICAC拉人兼停牌！前後不過3年嘅時間，就可以KO仇人，簡直出番一大口氣！不過，如果仲持有以下「50隻不能買的港股」，點算好？

「50隻不能買的港股」包括：
6隻已停牌：
康健國際(03886.HK) 、華仁醫療(00648.HK)、第一信用(08215.HK)、新銳醫藥(06108.HK)、隆成金融(01225.HK)、康宏環球(01019.HK)

44隻未停牌：
美捷匯(01389.HK)、君陽金融(00397.HK)、醫思醫療(02138.HK)、泰加保險(06161.HK)、中綠(00904.HK)、中國置業(00736.HK)、香港教育國際(01082.HK)、中國新經濟(00080.HK)、寰宇國際(01046.HK)、雋泰(00630.HK)、久融(02358.HK)、新確科技(01063.HK)、中國投融資(01226.HK)、首都創投(02324.HK)、前進(01499.HK)、QPL INT'L(00243.HK)、時間由你(01327.HK)、中國錢包(00802.HK)、中國環保能源(00986.HK)、財訊傳媒(00205.HK)、集成(01027.HK)、合一投資(00913.HK)、米蘭站(1150.HK)、國家文化產業(00745.HK)、聯旺(08217.HK)、吉輝(08027.HK)、成安(08352.HK)、銳康藥業(8037.HK)、同仁資源(8186.HK)、智易控股(08100.HK)、匯財金融投資(08018.HK)、育兒網絡(08361.HK)、互娛中國(08081.HK)、DX.COM控股(08086.HK)、國農金融投資(08120.HK)、匯隆(08021.HK)、修身堂(8200.HK)、富譽(08269.HK)、漢華專業服務(08193.HK)、中昱科技(08226.HK)、家夢(08101.HK)、皓文控股(08019.HK)、K W NELSON GP(08411.HK)、泰錦(08321.HK)

仙仔覺得散戶千萬唔好玩財技股，隨時比人陰乾，變成David Webb投資隆成翻版！不過， David Webb係一位價值投資者，以往長線持股strong hold都成功大賺，想知最新4隻David Webb愛股？立即係 #100仙財經娛樂雜誌 Facebook留言，仙仔就會share畀你！