上一篇David Webb復仇謎網集團嘅專題文章深受大家支持，仙仔好感動！咁多朋友留名拎David Webb 4大愛股，仙仔依家就帶嚟頭兩隻DW愛股畀大家參考！
以往David Webb都會係聖誕前提供Christmas
Pick股票畀fans做聖誕禮物，不過近幾年已經停咗發表Christmas Pick，而佢自己就表示如果係佢嘅愛股，就會不斷買入，所以佢最新增持交易紀錄同持股量絕對有參考價值！
第一隻：永嘉集團(03322.HK)
David Webb現持有65,632,000股，佔總股本嘅5.1%，而對上一次聯交所增持權益申報係2017年3月，當時嘅每股買入平均價係$1.15。
事實上永嘉集團股息率高，同埋派息往績穩定，由2007年直到依家，keep到每年派息兩次，間中仲有派特別息添，以現價$1計有成7%！既然收息咁都和味，難怪David Webb揸住價值超過$6,563萬嘅貨啦！
另一點值得投資者留意嘅係現價有超大折讓，永嘉集團每股資產淨值係$1.7左右，但股價只係$1蚊，折讓超過40%！！！
永嘉集團主要業務係生產同銷售成衣產品，包括運動服、活動及戶外服裝以及有關配飾，市場遍布歐洲、北美、中國大陸及香港等。
運動服生產業務主要客戶包括Reebok同Adidas，而同Adidas合作超過20年。運動服產品零售就以「Futbol Trend」、「運動站」或「Little Corner」名義經營。
另外，旗下高級時裝產品零售由Shine Gold集團以「D-Mop」名義經營， Shine Gold亦擁有若干品牌，包括於香港、中國大陸(北京除外)、台灣及新加坡嘅「Y-3」同喺香港有多個日本品牌嘅獨家分銷權。集團喺香港、澳門、中國大陸及台灣銷售包括「Blues Heroes」、「Loveis」、「Queen 11」等多個品牌。
運動服生產業務主要客戶包括Reebok同Adidas，而同Adidas合作超過20年。運動服產品零售就以「Futbol Trend」、「運動站」或「Little Corner」名義經營。
另外，旗下高級時裝產品零售由Shine Gold集團以「D-Mop」名義經營， Shine Gold亦擁有若干品牌，包括於香港、中國大陸(北京除外)、台灣及新加坡嘅「Y-3」同喺香港有多個日本品牌嘅獨家分銷權。集團喺香港、澳門、中國大陸及台灣銷售包括「Blues Heroes」、「Loveis」、「Queen 11」等多個品牌。
第二隻：龍記集團(00255.HK)
David Webb現持有31,594,498股，佔總股本5%。對上一次聯交所增持權益申報係2017年4月，當時嘅每股買入平均價係$3.472。以現價$3.47計，David Webb揸住市值超過1億嘅貨！
龍記集團係香港同新加坡兩地都有上市嘅公司，由2000年起已經年年派息無停過，而最近2年內派咗4次特別息，連埋特息計，依家息率高達10%，咁強勁嘅派績往績，加上集團現金流穩定，又無任何借貸，自然係David Webb杯茶啦！
龍記集團嘅業務主要係從事模架、金屬及配件相關產品之製造及銷售業務。集團嘅廠房喺中國廣東省河源市及中國浙江省杭州市。
有興趣嘅朋友唔使急住買，因為David Webb係長線買入及持有愛股！至於另外兩隻DW愛股，仙仔下集會分享，大家可以留名搶先睇！
#DavidWaebb #長線投資 #實業股 #高息股
#100仙 #100仙財經娛樂雜誌
沒有留言:
發佈留言