曾經係最準分析員嘅陸東發表最新大市睇法，佢話港股依家只係「牛二」調整，估計恒指會回落至27,000點！不過，當調整後就會進入「牛三」，最高可以望5萬點！究竟陸東有無根據架？
以陸東解釋，恒指由2萬多點升至3萬多點計，大機會調整一半，即大約5000點，咁恒指就有機會見27,000點，而成個調整期估計要6至9個月，即係今年7月尾至10尾先有望見底。事實上，仙仔睇返恒指日線圖，有牛熊線之稱嘅250天平均線係275xx點左右，相信只要唔係大幅跌穿及連續3日收市係250天平均線之下，都可以叫做牛市嘅。照咁講，陸東個講法又似乎合理喎！
 |
| HSI 日線圖 (6個月) |
至於陸東預測係牛三之下，恒指可以見5萬點，港股日均成交或會破萬億元，但估計呢段牛三升市會較長時間！佢呢個講法根本無得輸！點解？拿，聰明嘅人應該都知點解，因為股市長線都係上升，例如2007年股市見頂，但2018年已經破咗2007年個頂啦！所以只要時間夠長，股市長升長有，只會不斷有新高！
 |
| HSI 月線圖 (15年) |
不過，仲有一個重要因素解釋恒指見5萬點只係時間問題，因為恒指指數成份股定期會有檢討，會不斷review，垃圾股會踢出局，就如思捷環球(0330)，加入優質股。咁樣就解釋到點解指數咁易有新高！
沒有留言:
發佈留言