【神準心理測驗！你炒股會發達？】

炒股或投資股票，某程度上同係賭場上賭錢差唔多，講嘅都係機會率同回報率。想知自己適唔適合炒股，會唔會炒股發達？不如做吓呢一個神準心理測驗！

問題：依家有一個賭台上有個硬幣，當拋出「字」時，你就贏，相反拋出「公仔」時，你就輸。理論上呢個係一個公平嘅遊戲，輸贏嘅機率都係50%，咁你係以下邊個情況下先會參與呢個賭局？

A. 參加賭局就係要冒險，50%勝率好fair，我會玩！
B. 機會一半半，除非贏咗有$750，輸嘅只賠$500，咁我先會玩！
C. 我好保守，要贏咗有$1000，輸嘅只賠$500，我先玩！
D. 得一半機會贏，太細啦，我唔玩！

開估之前，仙仔想解釋一下。市場上贏家往往係少數，輸家係大多數，原因之一就係因為「贏粒糖，輸間廠」，當然，有部分投資者好彩嘅話，可能都可以打個和嘅，因為贏3次細嘅，輸1次甘嘅。所以，無論你股票知識同分析力有幾高，只要心理質素唔穩定，作出一次非理性買賣，就有機會輸鑊甘。

呢個心理測驗主要目的測試投資者對損失可以接受能力，從而令投資者知道自己有咩不足。廢話少講，立即開估！

A. 恭喜你，你係股票市場上嘅少數贏家！因為你係一個非常理性嘅投資者，每次作出投資決定後，無論係賺錢定蝕錢，對你嚟講快樂同痛苦程度係一樣，會嚴格執行投資策略，嚴守止蝕，講得出做得到！

B. 你係一般投資者，面對股票虧損時，你會苦苦思考止唔止蝕，當你下定決心止蝕時，往往已經低過你原定止蝕位，例如：你計劃虧損10%時止蝕，但你會搵藉口，等多陣先止蝕，可能最終係虧損15%先會真正止蝕。

C. 噢，如果你投資股票，好容易輸多贏少！因為當你虧損10%時，你嘅痛苦程度會比獲利10%時嘅快樂程度多出一倍。咁樣，你會因為虧損，承受雙倍痛苦，唔願去止蝕，短炒變長揸，「贏粒糖，輸間廠」！

D. Omg！你根本唔願意去面對風險，炒股唔啱你，你只會月供股票、買股長線收息或者根本唔買股票…