身為《亞洲貨幣》2017年香港第一名策略師及經濟學家得主，交銀國際研究主管洪灝喺3月26日發出警告，指出港股市似足1987年股災前夕，隨時歷史重演喎！點解？洪灝就有兩點解釋。
港股會重演87股災？
第一點，就依家美中貿易戰嘅局面，驚似1987年美日貿易戰，呢種政治事件就係當年股市發生股災嘅催化劑之一！第二點，就係依家恒生指數圖表走勢竟然同1987年10月股災前夕嘅道指走勢圖極之相似！立即睇圖：
股市行得比實體經濟快！
大家實會問洪灝，依家經濟咁好，又點會有股災呀？大家唔好當第一名策略師兼經濟學家流嘅咩，洪灝話1987年股災時，美國個時經濟表現都係好強，實際GDP增長有成3.4%，但股市照樣大跌，而美國要去到1991年先出現衰退喎。
信專家不如信自己！
仙仔覺得信專家，不如信自己睇到嘅數據！睇返恒生指數日線圖，的確而家走勢只屬於反彈市，受制於下跌軌阻力，好彩下面都有條上升軌支持線(約30,000左右)。不過，如果真係好似洪灝咁講，股災好快會出現，支持位又會喺邊？咁就要睇住250天平均線(約28,000點左右)，大家可以參考下圖：
神奇數據有啟示！
如果大家有keep住睇仙仔，之前有介紹過嘅神奇數據，原來都出現啟示！恒生指數喺3月嘅走勢係先反彈，然後大跌，跟住再度反彈。但原來4月指數期權出現淡友持續加倉嘅力度比好友大！睇嚟今日期結後至4月，股市將會有一場風暴！
仙仔已經將神奇數據整成圖，如果大家想睇圖，立即喺呢個FB Post 【股災將重演？留名拎神奇數據啟示圖！】LM同tag最少一位朋友，然後PM(inbox)仙仔，就仙仔就會share張圖畀大家參考！
沒有留言:
發佈留言