【神奇數據啟示！見底大升？最後逃生門？】

過去一周環球股市chok到爆，恒生指數由高位33484跌咗近4300點至29129。幸好日線圖中嘅100天平均線發揮出色嘅支持，令指數略為回穩。不過，如果仙仔同你講有一個神奇數據，成功喺過去一星期捕捉到指數走勢，食足幾千點，你想唔想知多啲呀？

恒生指數 (日線圖)

國企指數 (日線圖)

今次呢個神奇數據有幾勁？開始之前，仙仔解釋吓個數據：當數字係正數，同時數字愈大，啟示短線愈大機會上升；相反當數字係負數，同時負數愈大，就啟示短線愈大機會下跌。咁如果個數字唔大唔細呢？大家自己估吓啦！

神準數據預測走勢！

廢話少講，睇下圖！神奇啟示數據喺2月6日收市後，顯示為正數6549，係代表短線會升？睇返2月7日，指數大幅反彈高開，最多升過800點以上！個數據係唔係好神準呢？不過2月7日收市後，仙仔發現神奇數據顯示為負數-3553，而其後一日(2月8日)，神奇數據出現更大負數-7691！結果點？2月9日大市大跌，曾經跌超過1200點！

短線見底大升？
2月9日神奇啟示數據又再一次出現正數4605！係唔係啟示大市短線會好似2月7日咁大反彈？加上日線圖中嘅100天平均線嘅支持，個市短線見底機會好似幾大喎，唔知大家又點睇呢？如果真係反彈，大家就要留意反彈比率38.2% (約30800點)同50%(約31300點)喇！

之但係，始終神奇數據只喺大波動市中有短線啟示作用，大家當作參考之餘，都要諗諗呢個反彈係唔係最後走佬機會！點解？因為如果你覺得依家係熊市開始，跌市又點會咁快完呢…

P.S. 想知道點樣計個神奇數據？立即去「100仙財經娛樂雜誌」FB專頁，讚好同分享呢個【神奇數據啟示！見底大升？】post，完成後留言LM，仙仔就話你知點計！