700今日又創新高，大市氣氛好當然幫一把，但此終要有增長先keep到股價長升長有嘅！今日又有一個騰訊盈利新亮點爆出，keep住俾大家驚喜，真係寫個服字俾啊馬生！
入正題！睇返騰訊上年第三季收入當中有41%來自遊戲業務，當中《王者榮耀》單天保至尊，每日幫騰訊賺一億人仔，證明做得到一隻好遊戲真係好過印銀紙！
早排大家仲諗“吃雞手游”PUBG係咪另一隻王者榮耀嘅時候，騰訊新推出嘅《QQ飛車手游》僅僅用咗幾日時間就令大家跌眼鏡！於12月27日正式上線之後，24小時內注冊用戶破一千萬，DAU(日活躍用戶)破一千萬的成績，只需3日！破盡所有之前嘅歷史記錄！在App Store上，今日首次超過《王者榮耀》！
《QQ飛車手游》和《王者榮耀》有一共同點，都係由天美工作室制作而成，出品有保證。遊戲入面有商場系統，玩家可以購買車輛裝備、服飾、道具，增加游戲收入；據了解，隻game上線後有30%女性玩家，男女通殺！日日賺一億其實唔難啫！
沒有留言:
發佈留言