今次仙仔要講嘅上市公司主要業務係承接喺中國內地環保建設工程項目，食正國家環保政策條水，所以公司自2014年度轉虧為盈後，已經連續3年錄得盈利增長，而早前公佈嘅2017年中期業績都同樣有增長，最重要係公司並無負債，每股賬面資產淨值與現價約有5成折讓。
可惜公司主席出名爛賭，每次輸錢都過億，仲要多次被公開追賭債，連累公司股價表現，亦先後兩次(2015年及2017年)發通告澄清主席債務問題與公司無關係，亦對公司無財務並無影響。
主席老豆咁唔掂，佢嘅家族亦忍無可忍之下決定飛起佢，喺2017年9月正式由兒子接任主席，同時透過控股股東股權轉讓安排，爛賭主席正式全面被退出公司，對公司嚟講係好事！
神秘資金入股 與中央關係密切
呢間環保工程概念嘅公司早喺2016年吸引神秘基金透過控股股東買入29.76%股權，當時以近市價加接收若干債務成交，仙仔絕對有理由推算係爛賭主席籌旗還債之舉！神秘基金背後身份一直懷疑與國有資金有關連，直到最近一個聯交所權益披露通告中，佢嘅身份正式暴光，原來背後係中國省級財政廳持股！
近6個月日線圖成交分佈：
成交始活躍 資金持續流入
根據仙仔整理嘅近7個交易日成交額同資金流向，發現每日流入嘅資金佔成交額都超過68%，7日總資金流入金額錄得1951萬！詳細可參考以下table：
仙仔總結以上事件同數據後，得出以下幾個問題，大家點睇？
1. 兒子接班，免受前爛賭主席負面事件影響？
2. 中國省級財政廳資金持股，配合國策，有利公司業務發展？
3. 股價低位成交增，資金持續流入，暗示新升浪將展開？
近3年週線圖成交集中區：
睇咗咁多，相信大家一定好想知係邊間香港上市公司，仙仔早前已經畀咗第1組解碼數字，而家開估埋第2組解碼數字：【422】
至於解碼方法，就係將兩組解碼數字相加【第1組解碼數字＋第2組解碼數字】，咁就會得出呢個上市公司嘅股票冧把！
錯過咗第一組解碼數字嘅朋友，都可以根據以上內容，估吓係邊間公司架XDXD
沒有留言:
發佈留言