【人棄我取 匯豐停息係好事】

今日一班所謂匯豐(0005)「小股東」開記招，流馬尿話匯豐停派息係無良，搞到佢哋失預算，仲想夾錢入稟告匯豐違反承諾喎。

仙仔一笑置之，覺得佢哋唔知停派息對匯豐長遠係利好，有利未來一年盈利復甦之舉。原因好簡單：

1. #強化資本投資未來：被英監管要求停派息，目的係想銀行保留資本，配合政府政策幫助企業融資，有利經濟發展，長遠增加銀行盈利。

2. #創造短線買入機會：眾所周知好多匯豐投資者係貪息之徒，停息會令佢哋失去理性，所以股價急跌穿$40，但呢個短線恐慌反而係黃金機會溝貨或建倉。

3. #長遠潛在利好消息多：正如第1點所講，銀行多啲錢借出去，自然賺多啲息，對盈利嚟講係正面。仲有，疫情總會過，下年一回復派息，隨時追加特別息，到時市場有驚喜，股價自然人炒上，小股東賺。

仙仔今早已經身體力行咁入咗第一注好倉，大家又點睇？

題外話，689叫人杯葛匯豐因為係外資公司，但咁樣係有捐中央利益，因為平保係匯豐第2大股東。

P.S. 匯豐持有恒生銀行(0011)62.17%同交通銀行(3328)18.7%權益，而平安保險(2318)持有匯豐7.01權益。