仙仔發現好多身邊朋友唔知道MPF嘅資金係可以自由買賣，所以一直無理到，仲要買錯基金蝕緊錢！有見及此，仙仔分享吓MPF投資入門心得！
1. 唔知有幾多個MPF戶口點算好？
好多人都擁有超過一個強積金戶口，但唔記得咗戶口號碼，點算好？
大家可以積金局嘅電子平台申請成為「個人帳戶電子查詢」用戶，咁就可以隨時睇返自己所有強積金戶口。
只要持有香港身分證嘅朋友，只需透過「個人帳戶電子查詢」網站或App就可申請成為「個人帳戶電子查詢」服務嘅用戶。計劃成員在完成申請後，必須透過以下方法辦理確認身分手續：
- 於網上遞交申請時，提供身分證及最近三個月內發出的住址證明文件副本以供核實身分，以便啟動服務;
- 或携同香港身分證親臨積金局辦事處辦理確認手續及即時啟動服務。
「個人帳戶電子查詢」申請網址：
https://epa.mpfa.org.hk/mpfa_web/index.html
2. 點樣一次過整合多個帳戶？
如果大家因轉工而變成擁有多個強積金戶口，管理上既麻煩又費時，建議大家選擇一次過把多個個人帳戶整合為一或二個。
整合帳戶程序好簡單，只需要填妥一份專為整合帳戶而設嘅「計劃成員整合個人帳戶申請表」，然後交畀新受託人，就可以一次過將多個強積金戶口整合。當完成整合帳戶後，大家會分別收到原受託人同新受託人寄出嘅「轉移結算書」同「轉移確認書」。
「計劃成員整合個人帳戶申請表」下載網址：
http://www.mpfa.org.hk/tch/information_centre/forms/mpf_schemes/scheme_members/consolidation_of_personal_accounts/files/Annex_C_to_IV_3_c.pdf
受託人聯絡方法：
https://epa.mpfa.org.hk/mpfa_web/trustee_contact.html
積金局參考資料：
http://www.mpfa.org.hk/tch/main/employee/managing_personal_accounts.jsp
如果大家想網上一站式完成戶口整合，依家BCT銀聯有提供網上MPF整合平台，大家只需要經網上遞交帳戶整合申請，就可以將多個帳戶整合至BCT，免去paper work：
https://www.e-mpfhk.com/oap/common/login.htm
3. 強積金買邊隻基金好？
相信好多朋友都有呢個問題，根據過去10年數據，美國股票相關基金表現最突出！美國身為世界強國，科技領先全球，股市雖然波動，但長線都係長升長有，唔似中港股市指數仲未能升破2007年高位。
如果大家有興趣了解更多，只需上積金局嘅基金表現平台，自然就可以一目了然。基金表現平台網址：
https://fpp.mpfa.org.hk/tc_chi/mpp_chart.jsp
除咗睇基金類別，唔同MPF計劃都有唔同嘅基金選擇，所以建議大家買賣前最好先了解有關基金嘅投資組合及基金管理費，以便靈活管理。
4. 強積金入面嘅投資可以短炒嗎？
當然可以，但唔建議。市場上部分投資高手除咗短炒股票，亦會經常買賣轉換強積金入面嘅投資，以追求更高回報。
首先，大家要知道一般強積金基金買賣會以香港時間4pm做cut off time，即係4pm前嘅轉換基金指示會以當日基金格價計算。
同時，由於強積金投資只能買升，不可買跌，投資高手會以貨幣市場基金同股票基金(當中以指數基金最受歡迎，一來基金管理費較低，二來基金價格貼近市況)作為投資工具。當預期股市上升時，會將貨幣市場基金轉換至股票基金；相反當預期股市下跌時，會將股票基金轉換至貨幣市場基金避險。
仙仔雖然唔建議大家短炒，但適當時候配置資金入貨幣市場基金或股票基金係必需嘅。例如牛市主動配置更高比例資金入股票基金，相反，熊市時可主動配置更高比例資金入貨幣市場基金。當然，懶人可以選擇懶人基金或平衡基金等。
想交流更多MPF投資及管理心得，歡迎到仙仔Facebook專頁inbox提問！
沒有留言:
發佈留言