「毛記葵涌」自上年7月遞交主板上市申請後，一直無消息，唔通上市失敗？仙仔睇返港交所披露易資料，原來「毛記葵涌」上市聆訊已經就快展開，相信1月底前會有結果！
仙仔統計咗2017年131宗已處理嘅上市申請中，有73宗成功(56%)，58宗失效或撤回(44%)，咁你覺得毛記會成功定失敗呢？
回一回帶，毛記初步招股文件披露，截至今年3月底止，毛記2016年全年收入9522.8萬元，按年升73.6%；期內賺3626.3萬元，按年升61.9%。
一間以低成本營運嘅新媒體公司，唔單止有為公司賣命嘅偽員，仲有一班死忠型廢青支持，令毛記上年賺3千幾萬，對比壹傳媒業績見紅，簡直係一天一地。呢間高增長嘅公司，如果以估值PE 30倍計算，市值都成10億起！
不過，香港上市公司限制多多，又要向股東交代，所以毛記一直控制得好好嘅低營運成本，如以低人工請職場新鮮人，仲可唔可以keep到就真係一大問號。
另外，100毛同毛記電視Facebook專頁分別有116萬同71萬fans，兩個主要收入來源嘅專頁會唔會受最近Facebook打壓專頁嘅organic reach影響，都係另一大問號。如果阿爺發功阻商業合作，毛記日後條路都未必易行。
不過，以100毛今時今日嘅知名度，如果上市成功，會唔會好似翠如bb股咁畀人炒升上天，腦細成為香港百大富翁？而大家又會唔會想抽呢隻外紅內黃嘅法式旋轉型股票呢？
#100毛上市 #市值10億 #低成本高收益 #100most #100仙#100仙財經娛樂雜誌
沒有留言:
發佈留言