【中國股神謝清海 不能說的祕密】

惠理集團(806.HK)今日成交額急升至6.16億，股價創52週新高，收市報$8.21。究竟惠理搞邊科？事實上，惠理近年動作多多，仲要同海航集團扯上關係！等仙仔話畀大家知：

2017年5月，惠理公布主席謝清海及名譽主席葉維義獲第三方(傳係海航集團)接洽收購公司權益，早喺1月簽咗無約束力諒解備忘錄

2017年7月，惠理斥1億美元設房地產私募股權業務，投資兩個共約8.77億港元嘅日本物業

2017年9月，惠理與福布斯簽訂非約束性嘅戰略合作夥伴諒解備忘錄，共同開發以福布斯命名的金融產品

2017年9月，謝清海受訪指不便透露傳聞海航洽購惠理集團，如有消息會再作公布

心水清嘅散戶應該有印象2017年5月23日惠理公布收購通告後，股價一度急升，但之後反覆下跌。如果高追嘅朋友仲未走貨，今日都已經返家鄉仲有錢賺，不過，呢個時候應該繼續揸定沽？

早前有傳海航集團資金出現問題，喺香港投得嘅幾幅啟德住宅地無錢找數，但最後又平安無事！再睇埋惠理週線圖已經突破近兩年幾嘅下跌軌，配合大成交同資金流入，睇嚟春江鴨有啲內幕消息！幾樣嘢一齊睇，好難唔叫人想入非非，如果今次係堅料，炒上$11無難度！

仙仔提提大家，投機風險高，睇住今日低位$7.75嚟玩！