【打機賺千萬是如何練成的？】

【打機賺千萬是如何練成的？】
有無諗過你媽媽會同你講：「啊仔，俾心機打機，加油！」、「你打機唔夠人叻，不如去補下習學打機啦仔」。仙仔真係連發夢都無諗過🙈 （俾啊媽柄就有份😭）


聽落好似好荒謬，但好有可能係不久既將來陸續好多港媽會支持同鼓勵自己既仔女機，點解？因為打機唔再係玩玩下，已經變成一種全球性既運動(esports電競運動)，兼且係一種能夠年賺過百萬🤑既職業！

過去幾年電競極速發展，全球各地都舉辦大大少少既比賽，當中好多參加既都係職業電競選手，佢地日練夜練除左係為興趣之外，為既亦都係贏取比賽既超級獎金！

(讀者：喂！講重點啦仙仔！）
(仙仔: 好啦，我講啦！)

究竟打機賺到幾錢？按網上既資料，全球電競賺最多既人叫Saahil Arora(美國人-1989年出世)，累計賺左$280萬美金(即係$2200萬港幣)！佢打得最勁既遊戲係Dota2。(大家都80後，點解我身家得100仙😭)

電競hit 到咩程度？就係hit到連2022年既亞運會都納入爲正式項目！2022年大家係電視睇亞運就好可能見到有運動員打FIFA ，打LOL嫁！香港亦都有選手喺大賽中贏過冠軍，話唔定2022香港運動員會攞亞運金牌！

電競除左係運動，亦係大生意！近在中國，騰訊既遊戲《王者榮耀》既玩家以億計，每日幫騰訊賺一億人民幣！😱😱😱 騰訊股價長升長有，依隻game 功不可沒！

好多男士都沈迷既FIFA既生產商EA sport, 過去3每年股價近3倍😱😱（你都有份俾錢佢賺呢係咪？😎)

電競仲帶動到另一個平台，就係睇人直播打機同相關視頻既平台！喺大陸有個王者榮耀高手叫"嗨氏"，佢直播平台上有20幾萬粉絲，開直播打一日機閒閒地賺幾萬蚊人仔🙄

另外，香港人創辦既電競產品(即係遊戲專用的keyboard mouse etc.)公司 - Razer 雷蛇，有電競界apple 之稱，產品全球暢銷，仲計劃年尾喺香港上市，到時等我都抽返一手股票做佢股東先😎

依個年代打機不一定係廢青，如果自問對打機有心有力有天分肯勤力練習，可能有朝一日你就係奧運金牌冠軍兼千萬富豪💪🏻！

無咩事我返入房打FIFA先啦，世界冠軍寶座等緊我😙

#Tag哂你鐘意打機既朋友
#Tag你女朋友同佢你終有一日會發達

#電競 #esport #FIFA #LOL #DOTA2 #EA #騰訊 #王者榮耀 #razer #ipo #亞運 #100仙 #100仙財經娛樂雜誌 #打機發達不是夢

Photo credit: 張曦雯 Kelly (好靚女好pure👍🏻)