【100毛市值幾多？】
「毛記葵涌」已遞交主板上市申請！初步招股文件披露，截至今年3月底止，毛記全年收入9522.8萬元，按年升73.6%；期內賺3626.3萬元，按年升61.9%。
一間以低成本營運嘅新媒體公司，唔單止有為公司賣命嘅偽員，仲有一班死忠型廢青支持，令毛記上年賺3千幾萬，對比壹傳媒業績見紅，簡直係一天一地。
呢間高增長嘅公司，如果以估值PE 30倍計算，市值都成10億起，睇嚟腦細今次可以集資5億左右！不過，上市公司限制多多，又要向股東交代，低營運成本(如低人工請職場新鮮人)仲可唔可以keep到就真係一大問號，仲有中國式政策風險(阿爺發功)嘅大鑊氣，日後條路都未必易行。
但以100毛今時今日嘅知名度，會唔會好似翠如bb股咁升上天，腦細成為香港百大富翁都唔出奇！唔知一班投資者會唔會抽呢隻外紅內黃嘅法式旋轉型股票呢？
沒有留言:
發佈留言