全球首創利用區塊鏈技術(Blockchain)養嘅「步步雞」終於上市，每隻盛惠$238至$268人民幣(約$283至$319港紙)！點解可以賣貴10倍？係唔係新嘅暴利產業？仙仔逐一解答！
首先，區塊鏈技術點樣應用係養雞業上？眾所周知區塊鏈有一經記錄數據後就唔可修改嘅特點，保證數據可信性同安全。而家每隻「步步雞」都佩戴咗一塊高智能雞牌，可以自動收集雞嘅位置、運動同作息等數據，配合人工智能雲服務平台，就可以實時紀錄雞苗成長嘅數據並同時上傳到區塊鏈。同時，雞牌應用咗國際專利嘅防偽等技術，難以仿制，保證「步步雞」獨一無二。
「步步雞」係眾安在線(06060.HK)旗下眾安科技與順豐控股(002352.SZ)旗下順豐優選聯手推出嘅全球首款區塊鏈雞，呢隻以高科技飼養嘅雞，絕對稱得上係「智能雞」！
係唔係新嘅暴利產業？根據眾安公佈第三方統計數據顯示，雞係中國人飯桌上最常見到嘅肉類(其次係豬)，中國人每年會食近50億隻雞，但不到20%嘅人信任雞嘅品質，而區塊鏈技術正正解決到問題，可見市場需求極大。
眾安早於2017年6月公佈同養殖場試驗合作，將區塊鏈技術融合物聯網，加上對農場有嚴格要求，保證了每隻雞的營養和肉質，咁咪可以賣貴10倍價錢，實現高利潤！
例如「步步雞」要求所有雞都必須放養係山清水秀嘅農村基地，由當地經驗豐富嘅農民養殖，日常餵以蔬果、五穀雜糧同天然無公害嘅黑水虻，而每畝地唔可以養多過100隻雞，令雞仔有足夠地方走動以保證每日運動量。與市面上養殖週期不超過45天嘅飼料雞相比，步步雞生長周期為180天左右，保證了每隻雞都係高品質。
眾安同時公佈「智能雞」已與中國多個省市嘅200多家養殖場達成合作意向，目標係2020年「智能雞」將落地全國2500家、10萬畝養殖場，覆蓋上千個貧困鄉村，養雞總數將超過2300萬隻，並為農民創造27億元收入，幫到農戶脫貧致富。仙仔睇到眾安正帶領傳統農業市場走向高科技、高利潤！大家有興趣可以下載「步步雞」app睇睇：App Store「步步雞」
事實上區塊鏈技術已經相當成熟，如果今次「智能雞」試驗成功，消費者又願意付出幾倍價錢去買有品質保證嘅農產品，相信對傳統農業股係十分有利嘅發展方向，想知邊啲香港上市公司最大機會受惠新技術？立即留言拎前瞻性分析文章！
沒有留言:
發佈留言